. السلام عليكم ورحمة الله وبركاته صباحكم / مساءكم حب ومودهـ وغبرهـ ..
يقول الشاعر الأصفهاني في باب ما جاء في غسل الحوش ومحاربة الوحوش : أبعد الرزّ أو شلني .. فالرز سرّ الكروش وسرّ أزمه مميته .. بعد أن أفلس عروش زادوا سعرهـ وجعنا .. معد باقي أي قروش وصح لساني كلمات فيروز المنغولي .. مكياج ومكساج لولا حشيشه ..
على طاري التحشيش .. محشش قالوا له في الصين كل دقيقه ينولد واحد قال شوف التطور مو مثلنا كل 9 أشهر خخخ
وعلى طاري التطور .. مافيه أحد معصوم من الخطأ .. والخطأ وارد في أي لحظة .. والواحد يحاول يطوّر نفسه دايماً .. بفضل الله ثم أنتم وخشومكم .. شكراً لمن أهداني غلطاتي وشطحاتي
وعلى طاري الشطحات .. <يابثركـ في الموضوع اللي راح بعض الناس يقولون أني معطـّل السير يوم ألقط هذيك الصورة حقت الحادث .. بس اللي بيدقق بيشوف أني ماصورت غير صورتن وحده بريئه كبراءة الذئب من دم يوسف .. وقصصتها لعدة صور وكبرتها .. وكانت كل السيارات اللي قدامي واقفه .. يعني ماعطلت شي هـع
وعلى طاري شي .. اللي ماعندهـ دي إس أل يخلي الموضوع مفتوح ويجي بكرا يقراهـ على ماتكتمل الصور والبلاوي المتلتله ..
إيه صح شكراً سلطان هياط على الفاصل .. وشكراً لأطلق عجيّز على الصور .. وشكراً لـ دلوشا الخاله ع الكلمات .. وأحب أهدي أغنية سارعي لخويي يوسف زلطه .. شكراً رنا القاسم خخخخ
ترى المقدمة المختصرة هذي ليس لها أي دخل بالموضوع بتاتاً البته .. أحسن لكم أطمروها ولا تقرونها << بدري خخخخ .
كنتِ إعجاز وسحر كنتِ دنيا من طهر كان نورك في جبين الكون بادي
كان في صمتكـ طرب كان في عيونكـ شغب كان حسنكـ للحسن يرسي مبادي
كنتِ في أجمل حضوركـ كنتِ في أعدل غروركـ ولمّا طافت بي عيونكـ واستقرت في فؤادي كنت أنا أتأملك وكنت أنا اتخيلك كنت أنا أتأملك وأتخيلك وأنتي معي والكون هادي
كان إحساسي مهيب كنت أحس اني مهاجر أو غريب وأنتي ياعمري بلادي
][ الرياض والغبار ][
أول ماجت الغبرهـ جاني واحد من الجيران يقول " هذي من ذنوبكم شف وش سوّت" ناظرته هذيكـ النظرهـ اللي تخليه وشسمه << واحد خانه التعبير ناظرته وقلت " مهوب بس ذنوبنا حنا , حتى أنتو يالشياب" أشوا أنه رن جواله وقتها .. وأقرب نحشه خخخخ أنا اللي أنحشت أوب هو ..
على طاري النحشه .. هذي بعض المقتطفات والتعليقات عليها , كما تعودت كاميرتي الملقوفه إلتقاط الصور في كل مكان مسموح به .. وأحيانا غير مسموح به
فالدوام أول ما جت الغبرهـ
يشبه ممر الجامعه صح؟
الله ربيع ومطر << أعمى انت؟
هبّت هبوب الهبايب يوم هبت .. وشبت شبوب الشبايب يوم شبّت راحت يمين وراحت يسار وما إستتبت .. على السامبا ترقص وتتسربت وصح لساني
مهوب تسنه فلم رزدنت إيفل بس على طابع سعودي؟ اتحدى احد يروح للأخير مشي خخخخ
كيفني وأنا مسوي فيها مصور فوتوغرافي تسني سلطان السلطان لبى قلبه
/
كيف تيمون بس وهو لابس كمامات؟ خخخخ يقولون فيه ربو مسيكين .. الله يشفيه ويعافيه المهم ذاليومين الجايه يقولون والعلم عند رب العالمين .. أنها كلها غبرهـ وحساسيه .. اللي عندهـ ربو ولا حساسيه يخفف طلعات ولا يطلع الا وبخاخاته معه << فراري الظاهر خخخ عاد اكثر شي مضحك في جرايد ذالأسبوع أن مصلحة الأرصاد يلومون الدفاع المدني على أنهم ماعلمونا , والدفاع المدني يلومون ذولا على أنهم تأخروا فالرد .. وحنا ضايعين فالطوشه ..! ما أقول إلا "يعيش حسن كراني يعيش يعيش يعيش" خخخخ / أستغفر الله العلي العظيم من كل ذنب عظيم أستغفر الله العلي العظيم من كل ذنب عظيم أستغفر الله العلي العظيم من كل ذنب عظيم
][ لاتحقر شي أبد ][
حينما تمشي في أحد شوارع ديرتنا الفسيحة .. وترىا أحد السيارات القديمة والتي تهالكت مع مرور الزمن وتقول سوف (أساقط عليها وأحدّها)..!
وفجأهـ حينما تقترب منها ترى أنها أقدم من سيارتك بكثير..! ولكن المفاجأة .. أنه يملك شيئاً .. لو باعه (طق له مثل سيارتك مرتين..!)
بسس ستات هذا اللي فـ يدينه الكنز .. وجلس يدوّر الخريطة سبحان الله .. يضع سرّه في أضعف خلقه .. .
][ تخيل لو أنك مكانه ][
لو تشوفون هالشخص في هالصورة بتقولون صورة عادية جداً , مو واضحة ملامحها أبداً.. يعني أي واحد فيكم يقدر يصير محله..
لما نبعد شوي .. هل بتقدر توقف محله؟
طيب ألحين؟؟
هذا هو يأشر لي .. يقول لي اسألهم وألحين؟ << قوية شوي!!
طيب وألحين؟؟ وش شعوركم؟؟ تحسّون أنه برد فوق صح؟
][ فاصل ][
آهـ لو باكر لأمسي يلتجي يتركـ الليلة ليالي ومايجي
آهـ أنا من غدر باكر كم أخاف ياخذك مني وأنا لقلبي شغاف حزنها في غيبتك مرّ وشجي
آهـ أنا من غيرك أنتي وش وجودي ؟ آهـ أنا كم أبغى باكر لو تعودي!! آه من ذكرى بتشعل بي سهادي!!
لمّا كنت أتأملكـ ولمّا كنت أتخيلكـ لمّا كنت أتأملكـ وأتخيلكـ
وأنتي معي والكون هادي كان إحساسي مهيب كنت أحس اني مهاجر أو غريب وانتي ياعمري بلادي
][ الدروس الخصوصية ][
مع زقزقة العصافير في الصباح على الأشجار, وزقزقتهم أيضاً في المساء على سياراتنا .. لازلنا شعب يعتمد إعتماداً كبيراً على "المدرسين الخصوصيين" ..! هل تنقصنا عقول عن غيرنا من الشعوب .. أم هي عادة وإعتدنا عليها.؟! أو هي مناهجنا التي تجبرنا على الإستعانه بهم ..! هم بشر مثلنا .. لهم حق البحث عن "دخل آخر" ..
نكاد لا نمشي في أحد الأسواق إلا ونجد كومة من الملصقات عليها أرقام (المدرسين الخصوصيين)..
لي وقفه بسيطة لقراءة بعضها والتعليق عليها:
هذولا سبع مدرسات متقاطين في إعلان واحد
شوفوا الإعلان اللي ع اليسار .. مدري وش ذالجامعة اللي تعطي شهادة إنجليزي وقواعد في نفس الوقت هههههه واللي أدهى وأمرّ أنه حاط رقمه مرتين , يعني اللي يبغى إنجليزي أو قواعد لأي صف يدق على ذالرقم , واللي يبغى كل المواد يدق على هذا, وكلهم نفس الرقم ..
توني دريت أن وزارة التربية والتعليم ماتجيب إلا مدرسين (3 في 1) ههههههه يجيك مدرس ويقول لك أدرس 17 مادة, ماشاء الله عليك تفو تفو
راعي الورقة الزهرية واضح أنه مدرس نذل هههههههههه يعني خلصت الأماكن يوم تحطها على إعلان خويك خخخخ
هذا بس جدار واحد في أحد الأسواق .. كم عندنا من جدار عليه ذالإعلانات؟
××× ×× ×
كان لي لقاء مع أحد الأساتذة الذين سبق أن درسوني في مرحلة الثانوية , قابلته صدفة في أحد شوارع الرياض المليئة بالمطبات المدمرة .. بعد السلام يحلى الكلام .. ومختصر الكلام (بعد ترجمة حتسيه عشان محد يقول تتكلم عن جنسية معينة): أنا: هل تدرّس دروس خصوصية إلى ألحين؟ هو: وأنا وش مجلسني عندكم إلا هي, ولا راتبي في هالمدرسة الأهلية مايوكلشي عيش..! أنا: كم يستلم المدرس من الدروس الخصوصية طيب؟ (بعد إصرار في السؤال) هو (نظرات خوفه من الحسد) : في الترم 10-25 ألف أنا: يعني 50 ألف تقريباً في السنة هو: إيه .. وكذا أنا شريت سيارتي, وبعد 5 سنوات بكون شريت لي فله في شمال الرياض لي أنا وزوجتي اللي ساعدتني بفلوس دروسها الخصوصية.. أنا: ماشاء الله .. حتى أنتو تعرفون شمال الرياض ههههههه , الله يعطيك خيرها ويكفيك شرها (وأقول في نفسي إلى متى والأجار يلاحقنا) هو: كله من بركاتكم ياباشا أنا (أقول في نفسي) : لا والله.. كله من إعتمادنا عليكم يا أستاذ ..!
حنا شعب فينا من الأذكياء والعباقره كثير .. لكن مشكلتنا "مانستغل عقولنا" في اللي ينفعنا.. لو الطالب بدأ مذاكره أول بأول .. ما أتوقع بيحتاج مدرس خصوصي.. ولو المدرس السعودي ترك (كلام الناس) وأستغل وقت فراغه بالدروس الخصوصية بيفيد ويستفيد.. وقتها بس .. بيكون (دهـنـّـا في مكبـّـتـنا) ما أشجع الدروس الخصوصية .. بس لما تكون نسبة طلابنا اللي يعتمدون على الدروس الخصوصية كبيره لهالدرجة .. أتوقع هذا أحد الحلول ..
نصيحة على بداية الترم الدراسي: لاتؤجل مذاكرة اليوم إلى الغد ..
حسيت أني بعد هالفقرة مصري دافور نصاب كان فاشل فالدراسة ... . ملاحظة : الدوافير لايعلقون على ذالفقرة
في آلختآم .. أشكركم على متابعة الموضوع للأخير ... وأتمنىآ آن يحوز على رضآكم وينآل ذآئقتكم كل آبوٍكم .. وأتقبل أي نقد بناء وإن تسانه عجبكم الموضوع قولوا: اللهم إغفر له ولوالديه (F) ولكم مثلها إن شاء الله :$ سبحانك اللهم وبحمدك , أشهد ألا إله إلا أنت , أستغفرك وأتوب إليك اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ كتبه وأملاهـ / باء نقطه شين بدر.الشوق وفي روآية / أبو س ـعد
بالنسبه للدروس الخصوصيه ..يقول استاذ علم النفس انها ماتسوي شي,,على العكس.. تخلي الطالب مايركز في الصف يقول بركز العصر.. ولما يجي الاستاذ الخصوصي .. يقول ماني بمركز.. بركز بكره في الصف... وهكذا حتى يجي اخر الشهر .. الاستاذ يدفع قسط بيت الشمال.. والوالد الله يكون في عونه...
اما بالنسبه لتيمون.. امبين عليه نصاب ..مسوي عنده حساسيه عشان يعطونه اجازه مرضيه,... خخخخ
وخل عنك السوالف يا بدر... ولاتقعد اتبربر... الاخلاق السعوديه ماجات من فراغ.....هههه
واخيرا....
وهبك الله قبول الدعاء
وبركة العمر والعافيه
والفوز يوم اللقــــــــــاء.
تحيات مغتربه
3سلطان السلطان عضو
62366 صبااااحك عسل | 18/03/2009 03:58:48
حبيت تكون ردودي من اول الردود
بس صدق الكممات رووووووووووووعة
ههههههههههههههههههههههه
وعلى طاري شي انت كتبت اسمي فيه
هههههههههههه << والله مارجع الا الساعة 1
بس حلو والله انك تبدع يابدر ونشوف منك التصوير الزين
<< يقاله سلطان السلطان
يااخي انت توحفة ومواضيعك كلها احلى من بعضها لدرجة انها صارت احلى منك
هههههههههه
احترامي لك وفي انتظار جديدك المتالق << راح يسويها لك في المووضوع الجاي
4يـركـــدون عضو
62380 أبو سعد | 18/03/2009 05:51:49
وش الموضوع (( ضاااع ما يدري وش الطبخه ))
!!
~~
الله مير يعطيك العافية
إلا ما قلت لي وش نوع جوالك ما ادري كاميرتك اللي جابت المقاول وهو فوق العمارة إلا وش نوع مخك بخاخات وإلا كبليتر ... دعابةدعابةأمزح
~~
ياحبي لك انت وصورك التووووحف (( صارن تحف من الغباراللي عليهن))
5خالد الرويلي زائر
62409 صبأإأإأإأح النورآآآت | 18/03/2009 09:43:22
حينما تمشي في أحد شوارع ديرتنا الفسيحة ..
وترىا أحد السيارات القديمة
والتي تهالكت مع مرور الزمن
وتقول سوف (أساقط عليها وأحدّها)..!
---------------------------------------------
بالله بدر ماشفت موترك ؟هههههههههههههههه
بس متعوب عليها العرواي 97
وربي مواضيعك فله×فله طرب = ابداع
الله يغفر لوالديك ولوادينا انشا لله
تحياتي
خ . م. س
6عبدالعزيز زائر
62415 و لا تزعل | 18/03/2009 10:49:42
موضوعاتك اخوي بدر جميلة و مسلية
بس ..
يا ملاذي ومنتهاي وأوّلي
احس هالجملة لا يمكن ان يخاطب بها الا الله سبحانه و تعالى
7دانه زائر
62504 يعطيكـ العافية | 18/03/2009 16:49:10
الله عليك...
من جد شي خياآاآاآل ضحكت لين بطني عورني
كلها كوم و المعلقين عند الشباك شي ثاني اللي يشوفهم يقول برا فيه حفله
والا راعي اللوحه ههههههههههه اتعب انا صراحه ..
من جد الشعب السعودي شعب يحب المهايط وكل يوم اتاكد اكثر..؟!
ع العموم يا الله يوفقك ياشيخ وييسرلك ولوالديك ووالدي
استغفر الله
8Khosaih عضو
62534 المدرس الخصوصي | 18/03/2009 19:59:44
لو كان الطالب يفتح مخه إذا شرح المدرس ورجع البيت وراجع اللي خذاه والله ما يحتاج مدرس خصوصي ......شوفوا من يتكلم
ترا مناهجنا سهلة بالمقارنة مع دول ثانية و عيالنا ما عندهم سالفة ويا ليتهم بعد هالتعب و الفلوس الي اندفعت جابوا نتايج تستاهل
يعين الله
18mohamd زائر
62956 مزيا | 22/03/2009 12:54:13
انا صور مازيا
19ياملاذي زائر
62958 موضوع رائع | 22/03/2009 13:46:36
موضوع متميز بس لو كان خالي من كلمات الشرك التي كتبها الكاتب ولم يعي معناها
ياملاذي ومنتهاي وأولي
20كعبوول زائر
62967 كل يووم عنوان احسن من عنوان والله وشكراً يأبوو نواف8) | 22/03/2009 16:01:29 بس احسن شئ اعجبني هي انكته والله مررره تضحك الي هي على طاري التحشيش ..
محشش قالوا له في الصين كل دقيقه ينولد واحد
قال شوف التطور مو مثلنا كل 9 أشهر خخخ
21شموخ زائر
62976 مساء النووووووووور | 22/03/2009 17:42:38
والله ماأقدر أقووووووووووووول غير
بدر الشوق
7,418
+ 
44,198 
<< بدري
سلطان السلطان
يـركـــدون
... دعابةدعابةأمزح
Khosaih
MaC_LeGeNd
تصميم وبرمجة 
هههههههه تيمووون | 18/03/2009 01:10:55
هههههههههههههههههه
الموضوع كله كوم ...
وكمامة تيمون الله يشفيه كوم ثاني
..
باء نقطه شين .. أهنيــك على مواضيعك الخفيفه والله تونس وتفيد
انت وكاميرتك هالملقوفه
..
اللهم إغفر له ولوالديه .. ولي ولوالدي وكل مسلم إلى يوم الدين ..