مساااااااااااااء الخير لكل الأحبابــ .. مسااااااااااااء الورد لكل الأصحابــ ... مساااااااااااء ما يليق إلا بأحبابي ... انت .. وأنتي ... يسعد لي صبااااااااااح أحلى .. احلى .. احلى .... حلويــــــــــــــــنــــ
اليوم بعون الله ... راح نكمل باقي سلسله حلقات رحلتنا لبااااااااااريس ... قبل ما نبدا .. كلن عارف طقوسنا ...
الاناره :- مافيه الا اناره الابجوره .. وشاشه جهازي ... الجوالات :- كلها على موجود اكسترا ... ومحوله على السايلنت... الببسي :- هذاهو جنبي ... يتمخطر على حبه ونص.. المفرحات :- هذاهي جنبي ... بس تقول انت قررررب... التيفي :- يطلبكم الحل ... مسكر من ساعتين ... نبداااااااااا ...!! هيا بنا ...
كالعاده كل يوم ... قمت ع الساعه 8 الا سبع دقايقه ... بعد عمل الطقوس المعتاده .. رحت لستار بكس ... واجلس فيه شوي ... واروق ... بعدها طلعت الخريطه .. والاوراق .... عشان اشوف وين راح تكون الوجهه ... اليوم يااااااااا حلوين ... راح تكون وجهتنا ... الى ...
.............. قصر فرساي .............
هالقصر كان عندهم من زماااااااااااااااان ... من زمان زمان <<< يا شين اللي ناسي التاريخ .. وجاي يتفلسف .... خلونا نشوف نبذه بسيطه عن هالقصر ...
- في البداية كان قصر فرساي عام 1624م عبارة عن مكان انطلاق حملات الصيد الملكية في عهد لويس 12. - قرر لويس 14 لأسباب سياسية هجرة باريس، وتغيير محل الصيد البسيط إلى القصر الرائع المعروف اليوم, وبحيث قام المهندس (لوفو) في عام 1668م بمضاعفة مساحة المكان وبناء الواجهة العريضة (850 مترا) المواجهة للحديقة, واستمرت أعمال توسيع القصر فترة طويلة تحت إشراف عدد آخر من المهندسين وفى عهود ملوك آخرين. - سقط القصر أعقاب أحداث عام 1789م (الثورة الفرنسية) في عبء الإهمال الكامل وتعرضه تكرارا للسلب والنهب، وفقد بعض من تحفه الفنية. - في عام 1837م قام لويس فيليب بصيانته وتخصيصه متحفا للتاريخ الفرنسي. - انطلقت منه أولي شرارات الثورة (1789 م). - كانت مدينة فرساي مقر قيادة القوات الألمانية أثناء الحرب البروسية - الفرنسية (1871 م). - في القصر توّج وليم الأول (الألماني) إمبراطورا (18/1/1871 م). - كما كان القصر مقر مجلس النواب أثناء حقبة الجمهورية الثالثة (حتى1879م). - وقعت فيه معاهدة فرساي الشهيرة بعد الحرب العالمية الأولى ( 1919 م). - كانت مدينة فرساي مقر القيادة العامة لقوات الحلفاء أثناء الحرب العالمية الثانية وتحديدا مابين سنة 1944م و سنة 1945م.
هذه كانت نبذه بسيطه عن قصر فرساي ... وهذا موقعه على الانترنت ...هون ابن عمي ... شررررررررط ... لو هالقصر عندنا ... قلبوه قصر افراح .... المهم ... نشوف هالقصر على خريطتنا المعهوده ...
هاللي عمبيأشر .. طبعا هو هيزا المكاااااااااان ... المهم ركبت القطار ورحت له .... امممممممممممم ... كان ذاك اليوم ... رجليني تعورني شوي ... من كثر المشي صراحه ... كل شي بباريس ما فيه الا قوه مشي ... المهم قلت هالمشوار ما راح امشي فيه كثير .... لكن يوم رجعت للفندق .. اكتشفت انه اكثر يوم مشيت فيه . ...
هذه اول ما توصل لمدخل القصر ... طبعا كان الجو يجنن يجنن يجنن ... من جد روووووووووعه... تمشي كيذا بالتيشيرت ... والهوا البارد يضرب فيك .... تمشي شوي ... تقابلك خريطه كبيرررره .. فيها مخطط كامل للقصر ...
( احس هالبزر ابو نظاره .. داااافو مره في مدرستهم ... من اللي يجيب فسحته معه ) وبرضو لما تمشي اكثر ... تشوف لوحات ترشدك ..
اممممممممممممممممممم ... القصر ممكن تدخله من جوا ... وممكن تتمشى بس في حديقته .... الحديقه اصلا لحالها ... كبر شرق الرياض ... ( مع الدائري طبعا ) .. ... جد .. كبيرررررررره ... المهم .. القصر من جوا .. يوم اروح له كان فيه صيانه .... بوص معايا ....
مدري وش قصتهم يرممون ... يمكن تبي تعرس بنت فرساي والا شي ... المهم .. قلت ما دامني وصلت .. بروح ادور في حديقة آل فرساي .... يالله من فضلك .. ببلاش ... وامشي شوي ..
طبعا العالم لابسه ربيعي .. وطال الجو وكل او شي عمبيجنن ... مشيت شوي بعد ... لحداااااااااا وصلت الى الحديقه .. شوفو معاي ...
الحديقه كبيررررره .. والله كبيره ... <<< صدقناك اشغلتنا خلونا ناخذ لفه فيها .... اممممممممممم فيها مثل المسرح ... بوص معايا الطريق اللي يوديك للمسرح ...
وهذه برضو من الطريق
يا زين هالححصى للترجيم يالله يالله .. قربنا نوصل .... وهذاااااا المسرح .. مسرح مفتوح ...
هنا اذا نجحو عيال فرساي ... يجيبون راشد ... ومرات تمسك على رابح ... واذا نجحو بناته ...تجي طياره خاصه للسعوديه ... تجيب موضي ... وترجع هنا .... يعني هيك حركات <<<< برااا وهذه بعض الصور .. ترد الروح من هالمكان الروعه ...
وبرضو هيدي ...
شوف كيف السحاب جاااااي ... سبحان الله... امممممممممممممم فيه وانت تمشي .. فيه مثل العربات .. او السيارات الكهربائي ... تقدر تستأجر لك وحده . وتتمشى فيها انت واللي معك ... شوف يبني ..
هذا الكشك .. اللي تقدر تاخذ منه السيارات هذه ... والجنز على عشره ... وهذه عااااائله .. مستأجرين لهم سياره .. وذابين امهم ورا ...
قلت خاتمتهم ... بعدها ... مشيت .. ومشيت .. ومشيت .. يعني عااااااادي جدا .. تمشي ساعتين.. ثلاث .. عادي ... شوف بعض الصور من الحديقه ...
وهذه ...
الله الله ... وهذا مدري منهو ولده .. لقيته مرتزن مع جده .. وصورتهم
وهذه مثل المداخل .. كلهاااااااا شجر في شجر ..
وهذه ...
الجنز على عشرررررره يا ولد ... وفيه برضو .. اممممممممم .. مثل العربه الطويله .. او القطار .. تقدر تقص لك تذكره .. وتركبه .. وهو يدور بك على الحديقه كلها ... شوف معاي القطار ...
لا معليش .. ما نبيع شورتات وهذه خريطه لمسار القطار .. بالاضافه الى سعر التذكره ... وهي 6 باوند ... وشو باوند ... قلبي في بريطاني ... اقصد 6 يورو ... امممممم تقريبا 35 ريال ... بوص
بعدها تركب .. ويبدا يمشيك بهدووووووووء حول الحديقه ...
طبعا انا ما ركبت ... مسكت الا امشي ... صحيح ان رجلي تقول .. طق طق طق ... بس الا امشي ... شوف كيف الجو روعه ...
خذني معك .. لك جو هاااااادي ... وهذه ...
ومن بعيد .. ممكن تشوف قصر فرساااااااي ... وهذه كم لقطه له ...
وهذه من زاويه ثانيه ...
وهذه اقرب شوي ...
المهم .. وانا امشي .. وخاااااااااش جو مع الكاميرا .. ومع الميوزك ... الا انزل راسي ... الا هالشكل قدامي
كلب كبيرررررررررر ... لالالالالالالالالا... مو اللي ع اليسار .. لالالا .. اللي ع اليمين .. كبير كبير .. تسمع انفاسه وانت هنا بالرياض ... طبعا ابدااااا .. ابدااااااااا ما خفت ... ولا غيرت طريقي ... ولا حتى طفيت كاميرتي ... ابدا ابدا ... واللي يقول لكم كلام غير هالكلام ... والله انه صادق ... بعد ما خوفت الكلب اللي فوق ... حسيت اني ودي اجلس .. مدري هي جلسه اني تعبت من المشي .. والا جتني ام الركب من الخوف ههههههههههههههـ ... اللي اعرفه اني جلست .. امممممممم .. فيه مثل الدرج كبيررررر ... تجلس عليه .. وتشوف بحيره الحديقه من بعيد .. شوف ...
شفتو اللي هنااااااااااك .. لا تطالعني هنا ... شوف هنااااااااك .. ايوه ايوه .. اللي فيه مثل النمل .... هذه البحيره .. واللي فيها .. ناس مستأجرين مثل المركب ... المهم جلست شوي ... واطلع مفرحاتي ... ونتسلى مع بعض ... بعدين التفت يمين ... بعدين شوي يسار .... مو عشان شي ...لالالالالا ... بس عشان اشوف الكلب راح والا يبي مفرحات والا شي ... ... بعدها كملت مشي .. واخذت كم صوره .. بوص حضرتك ...
وهيدي ...
وطبعا الحديقه .. فيها الكثير من المجسمات .. خلونا نشوف كم وحده منها ..
وهذه
وشوف معي هذه .. اعجبتني كثيررررررر ...
نشوفها بالعزل ..
بعد كيذا .. حسيت ان رجولي مررره راحت فيها ... فأخترت لي مكان ... وجلست هنا
جلست كثيررررررر هنا ... وعشت جوي اكثر... تقريبا جلست ساعتين ... كانت ساعتين غير ... راحت بي هناااااااااك .. هناااااااااك... بعد كيذا .. يوم حسيت ان الشمس بدت تغيب ... قلت بروح ارتاااااااح في الفندق ... وانا طالع .. لقيت هالمويه ..
نقرب بعد شوي ... نقرب ؟ .... يالله ...
هذه البراده يقولون ان عيالك يا فرساي ...>>> يأشر بأصبعين ..... عيالك يا فرساي .. كل ما طقو احد ... وتكافخو معهم .. يكونون تعبانين .. صح ؟ ... يجون ويشربون من هالماء ... ( قويه الماء ) ... ... بس صراحه .. طعم المويه مرررره حلو .. وباااااااااارده .... وانا طالع .. اخذت هالصوره ...
كانت الغيوم .. مررررره روعه... بعدها .. رجعت للفندق .. واول ما وصلت .. رميت بحالي على السرير ...... وارتااااااااح شوي ... بعدين طلعت لسوق اللي جنبنا ... واخذت لي بورجر ... يااااااا هو برجر .... يجنن يجنن... بوص معايا ...
نقرب شوي ...
هذا من مطعم هناك اسمه Q .... وانا طالع .. قلت في نفسي .. افا بس يالمايسترو .... مهيب هي .. ترجع للفندق .. وانت يدينك فاضيه.. ما جبت شي لنفسك ... وامر Jeff de Bruges ... واخذ منهم شويه شوكولاته
روووووعه هالشوكولاته ... ادري ادري .. تقول ورنا الشوكولاته من جوا ... يالله شوف ...
كل وااااااااااحد ياخذ له وحده .... لا احد ياخذ له اكثرمن وحده .. بعدين ما يكفينا ... هذه حقتي ...
ايييييييييه .. عساك ما كليتها ؟ ... كليت حلاوتك ؟ ... كنت بقول لك بس قبل .. ترى مالي دخل اذا سطلت ... وصرت تضحك ... تضحك وبس .. لو اصفق .. ربطت خصرك وصرت ترقص ... مااااااااااااالي دخل .. وبعدها .. جلست شوي على سريري ... وريحت جسمي ... واخذت لي شور داااااااافي ... ونمت ... قبل لا انهي هالحلقه ... بتكلم شوي عن قصر فرساي .. وانطباعي عنه .. المكان حلووو ... بس مشكلته انه بعيد .. تقريبا 45 دقيقه بالقطار ... غير كيذا .. اللي يبي يروح له .. انصحه يروح له ومعه كل عدته .. اقصد يعني القهوه .. والشاهي .. والمفرحات .. والاكل .. وكل شي .. يفرشون بساطهم هناك ... ويتمشون ... وبرضو .. يصلح للمتزوجين ... لأن فيه اماكن مررررره حلوه .. وخاصه اذا الطبيعه كلها قدامك ... اممممممممممم كيذا يا حلوين .. نكون وصلنا لنهايه الحلقه الخامسه ... اتمنى من كل قلبي ... انك تكون مستمتع ... وانت في اتم صحه وعاااااااافيه يارب ....
بقول شي ... الحلقه الجايه ... تبي تكون حلقه غير .... غير ... غير ... الحلقه الجايه ... تبي تكون عن مكان روووووووعه .. من اروع الاماكن اللي زرتها في حياتي الربع قرن الحلقه الجايه .. راح تكون عن ...
ديزني لاند
صرقعه ... خبااااال ... ونااااااسه ... سعه صدر ...تمشيه ... فله ... تغيرت جو... لعب... كوووووولوه في الحلقه السادسه.. بس ايه ... انتبه... انتبه تجي لي بلبس رسمي ... لالالا .. لا يا حبيبي ... البس الجنز .. والتيشيرت .. وهات مفرحاتك .. وتعااااااال ... لأنه بيكون يوم غير ... خلاص باي ... <<< وش فيها الاخلاق خربت ... امممممممم .. جايب ملعقتك ؟ .. والا كالعاده ؟ .. جايبها ؟.... ما اسمع ... يا عيني عليك ... طيب قرب ... بعد شوي ... بعد شوي ... خذ
انتبه ... انتبه ... انتبه على الشاشه لا تتوسخ ... تبي شي يبرد على قليبك ؟ .... لا يهمك برد ... اشرب بس ... وما جاك عندي ...
اصبر ... اصبر ... لا تشرب ... حرك الكاس شوي .. بعد شوي .. سمعت صوت الثلج يضرب في القزاز ؟؟ ... اوكي يالله اشرب ...
اشوفكم على خير ... دمتم في أمان الله وحفظه ... لكـــ ..... انت بس ... مو لغيركـ.... المايسترو
تصويك حلو خصوصا بالاكل تتسلط ويزين تصويرك (مو جايعه ابد)
ياليتها ما تنتهي سفراتك .. بالتوفيق
4ريم زائر
23808 عشقتك قبل ماشوفك.. | 13/05/2008 21:41:07
كان نفسي ازورها ...وبعد موضوع ابغى اروح لها وعشقتها قبل لاشوفها وعشقت الاغنيه بعد معها
روعه والله يعطيك عافيه واذا جاي تروح باريس قلي بروح معاك ورحله على حسلبي هههههههه
اشكرك
5TUUrKI... زائر
23809 كفو | 13/05/2008 21:45:35
والله قريت كل رسايلك ..
وبصراحة .
ابداع ..
ننتظر البقية
6najla baz زائر
23812 الأماكن | 13/05/2008 22:11:03
اسلوبك في الوصف رائع وشيق ننتظر المزيد
7جوجو زائر
23815 اهم شي الكيك تعذيب الصراحه هههههه | 13/05/2008 22:26:32
مايسترووو والله انك راااايق هههههههه
وااو الحلقه الجايه استنااها عاد ديزني انوااع الونااسه ذكرتني فيها يوم العب ذاك الصارووخ يمااتي ننتظر تقريرك وبشوف ركبت نفس اللي ركبت ولالا ^_^
سلالامي
8زياد محمد - بريطانيا زائر
23819 روعة ياح لوووو والله يوفقكـ | 13/05/2008 23:33:47
مشكور أخوي المايستر // لاكذا ـأنت خربت فترة الأختباراتـ وما خليتني أذاكر / ياخي أيش التشويق الجميل الرائع والله رووعه // مشكور من أعماق قلبي ..// على طاري 6 باوند // أنت ماعندك أختبارات في الحالي // شكلك والله ـأنت مو أبو نظارات @_@ ههه
والله يوفقكـ ما كنت وجيث ما كنتـ
10bulafy زائر
23827 يا سلام سلم | 14/05/2008 00:46:04
السلام عليكم
رحلة سعيدة
ويعطيك العافية
موضوع متعووووووووووبن عليه حيل
ما قصرت
بقوووووووولك وش نوع كامرتك
ماشاء الله عليك ان لم تكن مصور فانت بالتاكيد مصور
----- اخوك مصور فوتوغرافي محترف ---
بصراحة الصور غنية عن كل الكلام اللي كتبته
رغم حلاوته يا سلام عليك وعلى صورك وعلى كلامك اللي فنتك
يعطيك العافية
روعه روعه روعه مناظر تصيح صراحه مثل الرياض بالضبط (:
عجبتني المجسمات.. وإلا الشكولاته إغراااء ,,
ننتظر الحلقه الجايه على أحر من الجمر ,,
لاعدمناك أخوي (:
12مشفوح زائر
23832 ياااه | 14/05/2008 01:22:03
ياااه حظك غني ماسيتروا تقدر تشيلني معك على البلاد اللي رحتها << خياله وساع هالولد بيني وبينكم ..
الله يرزقك ويرزق الجميع .
13... زائر
23834 ماشـــــــــ الله ـــــــاء | 14/05/2008 01:30:01
من جد اخوي مادري وش اقول من الجزء الاول متابعتك, اخش جو وياك اضحك بصوت لحالي, انتظر ايميلك على احر من الجمر, وكل مره بأضيف تعليق وافتح الصفحه ولايطلع وياي شي
تقاريرك روووعه واكثر من روووعه
<< مااااااتعرف تحكي ابد لا تواخذونها ^_^
ابسالك : كيف كنت تتفاهم مع الناس عندك خبره بالفرنسي
16هديل زائر
23859 يميييييييييي | 14/05/2008 11:02:55
ياخي انت ماسويت فيني خير
وش ذا الكاكاوات <<< هذا همها ترى
وش هالباريس
وش هاللندن
تخيل من اول رساله لك وانا سافطتهن على جنب قلت ابقراهن مع بعض ما احب اقراها على شكل حلقات
واحسب مير ان حلقات باريس خلصت
انت ناوي تخليني اقلب على اهلي مثلا
والا اروح اعرس لي على اي واحد بس يسفرني
يازين الجو
وخر ابنام
<<< شانت نفسها
الله يديم عليك يااااااارب
17سعـود آل وصالــي زائر
23869 very good | 14/05/2008 14:55:58
هلا بالزين كلووه
بصراحه مبدع يالمايسترو
تقرير شامل وكامل .. والكامل الله =)
موفق وعسى دوم ايامك سعاده
thanks for you
18الهنــــوف زائر
23871 ذوقك الشعري قليل فيه روعه | 14/05/2008 15:20:59
مره حبيت بيت الشعر اللي بالمتنفس. تسلم على هالذوق
ماشالله واضح انك انسان ذكـــي جدا وهذا اللي لاحظته من خلال رحلاتك.. أشوف كثير صور لباريس ولندن لكن بطريقتك غـــير .. غيـــر متعه ولا أحلـــى
بس فيه سؤال محيرني.. ليش ماتاخذ زوجتك او احد معاك.. ليه لحالك؟؟
بانتظار باقي الرحلات بس لاتطول الله يخليك <--الحماس مقطعها..
19سويتي زائر
23877 ابداآأعـــ | 14/05/2008 16:28:50
ما شاء الله عليك اخي مايسترو
رغم انشغالي وعدم مقدرتي على متابعة المواضيع المطروحة بالقروب إلا ان لرسائلك تميز واضح يجبرني على قراءتها
في انتظار الجزء الجديد على أحر من الجمر
يعطيك العافية
20ابــ البيطار ــن زائر
23885 ذبحتنـــــــــــا | 14/05/2008 19:57:53
أنا جالس جوعان، أشتغل، قلت لشوف المايسترو شو عامل بباريس
22صاطي حامد زائر
23888 خااف الله فينا خااف الله؟! | 14/05/2008 20:42:25
والله لندن مشكلة وباريس مصيبة وانت ابو المصايب ... ياخوي تصدق ماكنت اعرف فرنسا الا انهن شقوا منتخبنا بثماية اهداف وبس؟؟
الله يمد في صحتك وعمرك وبلاش تبصبص على الجنزات؟؟
23شاعر المشاعر - راشد السكران زائر
23889 المايسترو انت رهيب بكل ماتعنيه الكلمة | 14/05/2008 22:41:55
اخوي المايسترو والله شوقتنا لباريس - واحنا بعد عشقناها قبل ما نشوفها وأحلم اني اشوفها يوم من الأيام الله لايعوق بشر . اشكرك من كل قلبي على مواضيعك اللي متعووووووووووووووب عليها . الله يعطيك ملوين عافيه ونشوفك يوم من الايام سفيرنا هناك .. قدها وقدود يالمايسترو
24الجازي زائر
23891 الله لا يحرمنا من جديدك | 15/05/2008 03:19:39
مشكور أخي المايسترو علي تصويرك وتعليقك الذي يجعلني اعيش السفره كأني معك { ممكن سوال ليش تحط اخر شئ صوره حلويات ناوي تقهرنا}
دمت بصحه وعافيه
25sara زائر
23894 وش نوع الكاميرا | 15/05/2008 04:11:35
مرحبا المايسترو
تقرير رائع جدا
الصور من تصويرك ؟
ياليت تقولي وش نوع الكاميرا
وعقبال ماتلف العالم كله
26منو زائر
23902 موفق | 15/05/2008 13:55:56
رووعه ماشاء الله الله يرضى عليك
27ملاك الشرق زائر
23904 مالك صاحب | 15/05/2008 14:42:10
المايسترو انت رهيب بكل ماتعنيه الكلمة بس لو تنفس عن نفسك اشوي وماتاكل ذا كله لانه هالحلا بيخرب اسنانك يريت توزع علينا لان عينا فيه
تسلم علي هالرحلات الي اخذتنا فيها واحنا جالسين
28فوفو زائر
23912 :( | 15/05/2008 19:42:05
آآآآآآآآآآآآه من جد حسيت اني عايشه في قبر
بعد ماتحطمت
ايش الروقان هذا كله
انا من اليوم بحن على اهلي وعساها تجيب نتيجه
وترى في شش ثاني خاطريفي البورجر بطني قام يصاوي
وخاصه البيبسي ابروح اشتري لاشعوري خاصة يوم قلت حركو الكاس واسمعو الثلج
امااااااااا شوكلاته شي ثاني امممممممممم
مايسترو انتظرك بلهفه في الحلقه السادسه
29هنوو زائر
23920 باريس .. عشقتك قبل مااشوفك | 15/05/2008 23:34:40
واااااااااااااااااااااو من جد عشقته قبل مااشوفه . ماشاء الله عليك والله يانك بك حيل تدور هالدواارة..لااله الا الله
والله من جد مشكووورين على هالصور تهــــــــبل
المايسترو 
12,108
..
...
...
..
...
... بعد عمل الطقوس المعتاده .. رحت لستار بكس ... واجلس فيه شوي ... واروق ... بعدها طلعت الخريطه .. والاوراق .... عشان اشوف وين راح تكون الوجهه ...
... من كثر المشي صراحه ... كل شي بباريس ما فيه الا قوه مشي ... المهم قلت هالمشوار ما راح امشي فيه كثير .... لكن يوم رجعت للفندق .. اكتشفت انه اكثر يوم مشيت فيه
... تمشي كيذا بالتيشيرت ... والهوا البارد يضرب فيك ....
)
...
... كنت بقول لك بس قبل .. ترى مالي دخل اذا سطلت
..
ـ ..... انت بس ... مو لغيركـ....
من جد حسيت اني عايشه في قبر 
تصميم وبرمجة 
لاتعليق هع | 13/05/2008 19:42:19
وش هالزين ذا كله ..المايسترو ليتني ماشفت موضوعك
قبل وش حليلي راضيه بعيشتي مير انت خليتني اقلب على اهلي
اوما المكان روووووووعه صراااحه ماهنا بعايد عن جو الرياض هع
والشوكولاته شكلها خطيررررره
وحنا من زين وجيهنا مستانسين بحلويات سعد الدين <<<<قلبت
بس شكلها لذييييييذه
سؤال عالطاير
سفرتك كلها كم يوم؟؟وكم كلفتك الرحله؟
<<<<ابي تحاوب تجمع
ولحالك والا معك رفريق <<<حشا هنود هع
مايستروو بإنتظار ديزني لاند
وفالنا باريس <<على وزن فالك البيرق