 السلام عليكم ورحمة الله وبركاته مساكم / صبحكم الله بـ الخير جميعـاً عودهـ لكم من جديد في الجزء الثاني من تقريري المصور لـ رحلتي في مملـكـة تـايــلانـد  واللي ماشاف الجزء الأول .. يضغط ع الرابط : رحلتي إلى تايلاند - تقرير مصور < الجزء الأول >  صباح اليوم الثاني في جزيرة ساموي طلعنا في رحلة بحرية من الساعه سبع الصبح إلى خمس العصر وتشمل : تجديف / جولة بـ القوارب الصغيرهـ بين الجزر  وكانت الرحلة على يخت كبير شوي الطريق في البحر كان أكثر من رائع ولمدة ساعه تقريباً هذي صور الجزر في الطريق << جزر والا خيار        هنا ركبنا القوارب الصغيرهـ " كل شخصين في قارب " وبدينا بـ التجديف وكان قدامنا المرشد السياحي تبع الرحله في قارب لحاله ويدور بنا بين هـ الجزر وحنا ورااااهـ  المشكله كل اللي معنا في الرحله أوروبيين وفاهمين الشغله موب مثلنا أول مرهـ نجدف  والله لو تشوفون اشكالنا .. من جد صرنا مهزله ومافي احد ماضحك علينا والا جا يعلمنا   هذا اليخت حقنا << طبعا انا راكب ورا في القارب الصغير ومستلم تصوير وتارك مهمة السواقه لاخوي     بعد الدوران والتجديف بين الجزر وقفنا في جزيرة فيها بحيرة بـ أعلى الجبل شوفوا منظرها كيف رووووووعه     هذا قارب موقف تحت الظل << بلاهـ ماشاف شمسنا  " اعجبني شكله واخذت له لقطه " هنا رجعنا للـ يخت مرهـ ثانيه .. نبي نروح مكان ثاني نجدف فيه وبرضو نفس المناظر الروووعه في الطريق       وهذا غدانا " ياربي لك الحمد يحوووم التسبد اكلهم  اجل رز أبيض وبااااارد ومافيه ولا ذرة ملح والدجاج برضو باااارد واحيانا يحطون فيه شوية ملح  " مع ملاحظة اني ماكل مأكولات بحرية "بس أحلى شي .. يجيبون أناناس و جح " بطيخ " والله لولا الله ثم هـ الاناناس والجح .. عز الله متنا من الجووووع خصوصا الاناناس لانه موجود في كل مكان وفي كل رحلة بحرية من جد دايم اذا جابوا الغدا ناخذ صحن مليااان رز ودجاج و "شوية" اناناس بالاخير تلقى الرز والدجاج ماتحركوا والاناناس خللص ونجيب زيادة بعد بس مافي احلى من الغدا وقدامك هـ المناظر الحلوهـ     هنا وصلنا للـ منطقه اللي تصلح للـ تجديف لانها كلها كهوف وفتحات صغيرهـ بين الجبال عشان نخش بـ القوارب فيها << وهنا الوررررطه من جد العالم كللللهم يمشون بـ طريق واحد ويخشون تحت الجبل وحنا في عالم ثآآآآآني بدال ماندخل تحت الجبل قعدنا نصدمه طبعا مو لاننا مانعرف نجدف لالالالالا بالعكس كنا نبي نعيش جو الرحله ونستمتع    لايفوتكم المدخل هذا << وقفنا فيه ربع ساعه العالم يدخلون بـ الطول وحنا جايين بالعرض ونصدم يمين ويسار اصلا كنا نعرف بس حبينا نستهبل عليهم شوي <<     طبعاً كل الصور هذي اخذتها وانا في القارب الصغير << عشان تعرفون اني فنان ومحترف بالتصوير  شوفوا منظر الطير والغيوم .. خيآآآآآلي  هذا يختنا من بعيد    هذا طريق الرجعه لـ ساموي " العصر" والجو كان أكثر من رووووووعه  وبـ كذا نكون انهينا اليوم الثاني والأخير في جزيرة ساموي وان شاءالله يكون هـ الجزء واللي قبله نالوا اعجابكم  وترقبوا الجزء الثالث " في فوكـيـت " بعد كم يوم ان شاءالله برضو لايفوتكم تراهـ روووعه تسعدني وتشرفني متابعتكم 
|
|||||||||||||||||||||||||||||||||||||||||||||||||||||||||||||
تصميم وبرمجة 